嚟緊會去泰國親子遊的爸爸媽媽注意！今次Blogger媽媽 鯨魚‧蝦子媽咪親子log 介紹了一間位於泰國芭堤雅的酒店，酒店集水上樂園、兒童遊戲室、按摩中心、桑拿蒸氣及SkyPool於一身，雖然價錢不算便宜，但非常抵玩！
今次介紹這間芭堤雅格蘭德中心空間酒店（Grande Centre Point Space Pattaya）於2022先開業，但不用一年就已經打入人氣親子酒店 第2位，酒店走Cyber風格，由外靚到內，外牆有泰版幻彩閃光光，而房間又大又新淨，以太空站船艙設計。
鯨魚‧蝦子媽咪親子log 一行5人預訂了太空相連房，一邊是King size 床，另一邊是雙床，兩邊都有向海露台、自帶浴池 ，晚間睡在床上開燈，更可以看到星空及北極光效，超浪漫勁溫馨！
入住這間酒店，可於check in 同check out兩日享用自家水上樂園，雖然不算大，但都有太空谷激流、兒童嬉水池、小型繩網彈床、幾層高旋轉滑梯、人造大浪池、泡泡池，而池畔更有獨立小木屋，大人可於裡面預約按摩 ，一邊小朋友開開心心玩，一邊大人舒舒服服享受。
另外，仲有酒店設有兒童家庭遊戲室，低層是幼童波波池滑梯玩樂間，而高層是Board Game / 電動 遊戲室，遊戲多但唔算刺激。
Package包括的自助早餐好豐富，中西日泰菜都有，選擇多，味道不錯，媽媽最鍾意食的就是即點即炒通菜 ！酒店仲入駐了Let’s Relax按摩店，憑check in時贈送的Token，可入內免費享用芒果糯米飯同試食蛋捲，勁好味！
酒店附近仲有大大小小按摩店同埋Cafe，兼大型商場（內有Nara泰菜），整體入住體驗十分良好，雖然少貴 ，但一分價錢一分貨，值啊！
酒店官網：按此
預訂網站：按此
相片授權：鯨魚‧蝦子媽咪親子log