上月洪永城和太太梁諾妍迎來第二胎，組成一家四口，幸福滿滿！不過梁諾妍坐月期間就表示自己產後特別大汗，日日流不停，而且可能因為瞓覺時都流晒汗，搞到個頭濕咗，然後「攝」親，個頭入咗風，止痛藥都幫唔到手，痛足幾日！後來試咗朋友奶奶的古方驅頭風大法之後，認真有幫助，按完個頭再冇發發聲！
今次她就在小紅書拍片分享朋友奶奶推介的古方驅頭風大法，仲話除咗坐月媽媽可以去頭風之外，連關節入風導致關節痛、腰帶或是宮寒、孕早期偏頭痛都適用！
古方去頭風
材料：粗鹽和茶辣（茶辣在藥房有售）
比例：1:1
製作方法：
- 把兩樣材料放進鍋裹炒熱後用毛巾包起來
- 熱熱的，敷在頭上、眼部、頸部任何你覺得痛的地方
古方去頭風小貼士：
- 材料可以重覆使用，翻炒3幾次都可以
- 任何時候都可以熱敷，不一定等頭風發作時才熱敷
來源：梁諾妍@小紅書