去 東京親子遊，很多家庭都絕對不會錯過一睹富士山風采的機會！Blogger「MBA樂園」早前就分享了一個欣賞富士山全貌的好地方：河口湖。河口湖位於東京附近的山梨縣，有一個非常知名的觀光地，一起看看以下的介紹！
MBA媽媽指，他們一家到東京時，富士山雖然已經沒有太多積雪，但其宏偉的山脈，已經令他們覺得非常壯觀：「我哋驚會好多人排隊，所以一到咗河口湖，即刻去咗搭纜車上山先，好好彩當時都唔會太多人，只係排咗半個鐘，因為上網睇到都話一般要排1個鐘隊！」纜車可乘載約30人，車程只需約3分鐘，就可以上到山頂。
「上到山頂可以更清楚望到富士山同埋河口湖，加上當日好好天，個景真係好靚！喺山頂原來除咗有多個打卡位可以全方位影富士山同河口湖，遊客同本地人都會一齊排隊打卡！」
「雖然只係即日來回，但係真係好開心天公造美，等我哋可以咁清楚睇到咁靚嘅富士山。成個行程如果我哋搭巴士應該會更舒服，因為可以一程過唔使轉來轉去，不過就係因為我哋轉搭火車，留而俾我哋搭到好多好有特色嘅火車！」
原來就在MBA媽媽一家前往河口湖時，因為轉乘要火車，剛好遇到不少特色火車，如Thomas & Friends、《火影忍者》主題等等，喜歡動漫的不要錯過！
「由一開始嘅Thomas & Friends，到火影忍者，到好可愛嘅富士山公仔，一路搭一路可以瘋狂打卡！加上火車嘅設計超有心思，唔單只火車外面全部印有漫畫公仔，車箱入面同座位上都有，甚至連每個車站都有唔同嘅角色設計。雖然搭火車係比較耐，同埋要轉嚟轉去，不過可以見到咁多咁可愛嘅火車都值得嘅！」
圖文獲「MBA樂園」授權轉載