暑期商場活動2022 — 暑期天口㷫，想帶小朋去玩滑梯又驚辣親屁股，計我話，最好嘅親子遊，一定係遊商場！又有冷氣又唔怕落雨！MameShare今次同你揀咗10個必去嘅商場活動，類型包羅萬有，有裝置藝術俾妳同小朋友打咭、有遊戲攤位同市集，仲有新奇好玩 Pop-Up Store 俾大家盡情買期間限定精品！實有一個得你鍾意！
- IFC商場 ——【The Wild Wonders 紙藝熱帶雨林】
位於中環的IFC商場 —— The Wild Wonders 紙藝熱帶雨林
IFC與本地紙藝設計單位「Stickyline」攜手以平面紙張為基礎，打造獨一無二的「The Wild Wonders」，以立體紙藝雕塑形式，呈現出1：1嘅熱帶雨林！俾小朋友見識到熱帶森林入面嘅6大動物！而IFC亦都推出咗Instagram 限時拍攝濾鏡，令大家彷如置身其境，喺熱帶雨林裡面打卡！(濾鏡亦有兩款隱藏版小動物)。小朋友們就可以開始熱帶雨林探險之旅！
活動詳情:
日期：2022年8月5日至28日
時間：早上11時至晚上8時
地點： ifc商場一樓 (鄰近1039號舖Club Monaco)
2. 黃埔天地 —— 【靜岡富士山盛夏祭】
各位係咪好掛住日本呢？靜岡富士山盛夏祭 —— 係由靜岡縣官方授權，
活動詳情:
靜岡祭典和式巡遊舞蹈表演
日期：於8月20至21、27至28日兩個周末
時間：下午３至５時
地點：黃埔天地船景街／德安街
靜岡富士山盛夏祭
日期：2022年8月20至28日
時間：下午1至晚上8時
地點： 黃埔天地時尚坊MTR層
3. 朗豪坊 ——【朗豪坊 x TAMASHII Figure FES 夏日電影館】
趁住呢股動漫熱浪！唔好俾佢停！朗豪坊聯同TAMASHII NATIONS舉辦「TAMASHII FIGURE FES夏日電影館」，以戲院為題，展視出多款1:1人氣角色立像及全新Figure！有人熱動漫《SPY x FAMILY間諜家家酒》打卡牆、都唔少得經典少年動漫之作：《海賊王》、《火影忍者》、《龍珠》Figure大集合！大家仲會見到2米高BIG MOM及1:1 鳴人立像香港初登場！同時亦會率先發售TNS Tokyo限定商品，鍾意動漫嘅各位，千祈唔好錯過呀！
活動詳情:
日期：2022年8月11日至9月12日
時間：中午12時至晚上10時
地點：朗豪坊4樓通天廣場
4. MIKIKI ——【Summer Skycation 光影星空樂園】
今次以天空之旅為題的「Summer Skycation」，特別打造可愛又療癒的度假風「IGable」拍照場景，好讓大家係炎炎嘅夏日，一同飛上天空中打個靚卡！當中有令人注目的6大空中打卡靚景。有「6米高巨型熱氣球」、「雲上摘星之旅」值得一看！而「毛孩出遊Check-in Counter」亦可讓毛孩與主人一同享受假日打卡時光，分享喜悅！
活動詳情:
日期：2022年8月11日至8月31日
時間：上午10 時至晚上10時
地點：MIKIKI、屯門卓爾廣場、屯門錦薈坊及屯門寶怡商場
5.東薈城 ——【LuLu豬夏日綠「豚」園】
坐落係東涌市中心嘅名倉庫 — 東薈城，呢到有過百間名店可以任你行，今次仲有人熱公仔「LuLu豬」嚟到東薈城，陪你過炎炎嘅暑假！會以全新8大主題打卡裝置穿梭農場造型，入面有好多隻唔同造型嘅LuLu豬，表情十分趣致！可以同大家一齊感受豚園樂趣。另外，「豚」園戶外市集入面設有40多個特色攤位同本土工作坊，可以比一家大細一齊參與。戶外築起音樂帳篷，每逢五、六、日都有唔同嘅歌手表演，亦係今次活動令人注目的一個環節。歌迷們要把握時機啦！
活動詳情:
夏日綠『豚』園互動裝置
日期：即日起至8月31日
時間：早上10時至晚上10時
地點：東薈城名店倉二樓中庭廣場、二樓天橋及二樓鄰近cdf Beauty (275號舖)
「豚」園戶外市集
日期 : 2022年8月13至14日、19至21日及26至28日
時間 : 每日中午12時至晚上7時
地點: 四樓平台廣場 (鄰近稻成京川滬- 402號舖)
6.TKO Plaza ——【超級「無手尾」的動物鄰居！】
原來唔係人類先會「無手尾」，今次將軍澳廣場將會以有趣的方式介紹幾種「『無手尾』的動物鄰居」。以展覽分為6個展覽區，亦有好多互動小遊戲同新加入的AR體驗！可以俾小朋友用一個新奇又好玩的方式學習同了解更加小動物嘅課外知識！除左好玩嘅展覽區，亦有不同的趣味親子的環保藝術工作坊，可以一齊了解大自然的奧妙！睇下仲有邊啲動物同小朋友一樣咁「無手尾」。
活動詳情:
日期： 即日起至2022年8月28日
時間：上午11時至晚上8時
地點：將軍澳廣場一樓中庭 （地址：將軍澳唐德街1號）
7.Yoho Mall ——【Yoho Mall x Kumamon 熊遊小鎮】
今次KUMAMON同各位齊齊遊YOHO MALL！小鎮入面有KUMAMON玩樂不夜町同熊花園嘅8大打卡位！有受歡迎嘅6米高的 KUMAMON玩具屋、充滿花海嘅KUMAMON的向日葵花舍等等，望到Kumamon個樣咁cute咁過癮，真係魅力沒法擋！忍唔住要同佢影返輯日文旅遊特輯！影靚相之餘，媽媽們仲可以去熊本縣特產店入手熊本縣特產「手信」，當然仲唔少得KUMATOWN 文創市集，愛買精品嘅你哋真係要去睇睇！
活動詳情:
KUMATOWN 文創市集
日期： 即日起至2022年8月28日
時間：上午11時至下午9時
地點：YOHO MALL II中庭 (小米對出)
Yoho Mall x Kumamon 熊遊小鎮
日期： 即日起至2022年8月28日
時間：上午10時至下午10時
地點：YOHO MALL I – KUMAMON玩樂不夜町、YOHO MALL II – 熊花園、YOHO MALL II – KUMAMON X 熊本縣特產店
8.如心廣場 —— 【如心廣場 X EVA RACING賽車體驗‧始動】
今次聯乘日本EVANGELION RACING與本地「實景虛擬」模型汽車比賽平台Formula Square舉辦【如心廣場 X EVA RACING賽車體驗‧始動】當中3大主要區域亦十分吸引車迷來臨！ 分別有：「如心廣場 x EVA RACING車手競速大賽大募集」、「EVA初號機決戰場」和「EVA RACING期間限定店」的一系列EVA角色與機體手辦，為大家搜羅超過80款周邊及模型珍藏。快啲召集民間賽車高手，一齊盛夏狂飆！
活動詳情:
日期：2022年7月22日至9月4日
時間：上午10時至晚上10時
地點：如心廣場一期1/F 中庭及108 號舖 (Pacific Coffee) 對出位置
9.秀茂坪商場 ——【Rummikub盛夏嘉年華】
首個Rummikub主題戶外嘉年華將會登陛秀茂坪！，今次仲破天荒打造4米闊巨型Rummikub牌架，俾大人細路，仲有Rummikub迷一個打卡位。而且入面設有4大親子攤位遊戲同試玩區，可以同家人、朋友動動腦筋，一齊感受Rummikub遊戲嘅魅力啦~同場加映：於秀茂坪商場及鯉魚門廣場於8月下旬將舉行「秀茂坪商場 x 鯉魚門廣場 Rummikub 香港爭霸戰」，自覺自己係高手，或者想挑戰就一定要報名參加啦！
活動詳情:
日期：2022年8月13至9月4 日（逢星期六及日）
時間：中午12時至下午6時
地點：秀茂坪商場地下花園廣場
10. 北角匯 ——【北角匯 x CATCATION《Cat.Art.Metaverse》】
全港首個以喵咪為主題的《Cat.Art.Metaverse》NFT藝術館，館內以貓為主題，多個喵化日本景點，提供6大立體打卡位！每一個景點，都會令你好似去咗卡通嘅世界咁。「富士山下貓溫泉」同「貓の忍者部屋」亦係最受注目嘅打卡位之一，同場設有線上線下貓咪主題玩樂空間 – 【期間限定】互動Cat Fun HouseHouse，亦有兩大主題空間：「忍者貓道場」和「喵次元彈珠館」。主題空間內將設動態影片攝錄，可以幫貓奴們和小朋友剪輯成NFT收藏品！好讓大家有個元宇宙嘅旅程！
活動詳情:
日期：2022年8月25至10月9日
時間：上午10時至下午10時
地點：香港北角渣華道北角匯1至3期
免費欣賞
