放風箏好去處｜今次雪梨媽帶雪梨B去「邁亞密」睇日落放風箏打羽毛球！由於目標明確，所以午餐就同雪梨B食飽飽先出發，順便避開中午猛烈既太陽！一到咗屯赤隧道入口就見到一大片草地，雪梨媽一早預備好野餐墊，可以坐低欣賞呢個無敵大海景。
放風箏＋打羽毛球
雪梨B咁活潑，所以雪梨媽都帶咗風箏同羽毛球拍黎，人唔算特別多，夠哂空間俾雪梨B走黎走去玩。如果撞啱時間，仲有機會係附近見到好靚既花田~
長堤壩賞日落
沿途既路邊種咗一列棕櫚樹，十足十去到外國加洲、邁亞密會見到既風景，雪梨媽幫雪梨B照咗唔少相，真係呃得下人架! 雪梨B玩到差唔多，我哋就沿住海邊既堤壩長廊行，270度既海景開揚，打卡同休憩都一流。行到盡頭仲有一座白色既小燈塔，搭配大海做背景，係另一個打卡熱點~
打完卡，雪梨媽同雪梨B就坐係堤壩上面等日落。一大段堤壩都係向住西面，非常適合觀賞日落！係呢到，可以望住太陽徐徐落下，逐漸消失於海岸線之後，滿足咁完結今日既遊玩~
放風箏好去處「港版邁亞密」懶人包
難度：零粒星星（五粒星星最高）
適合年齡：任何年齡
自備物品：防曬用品、蚊怕水、風扇仔、飲用水、乾糧、野餐用品、風箏、玩具
溫馨提示：附近沒有補給站，需準備好飲品及食物
交通工具：
可於屯門港鐵站乘坐K52巴士至望后石站下車，步行約20至25分鐘到達浩和街，亦可轉乘的士或自駕直達浩和街。
附近景點：
屯門碼頭 – 屯門碼頭盡頭的燈塔，在日落晚霞下唯美浪漫
屯門河畔 – 6組本地藝術家走訪了區內學校、商場、公園和屋邨等社區空間，與不同社群對話，創作出6組獨特的藝術品置於屯門河畔。
附近美食：
小茶角 – 屯門湖翠路138號啟豐商場地下1A4號舖，黑糖珍珠鮮奶、煙三文魚牛油果沙律、屯門牛
木玥巷 – 屯門井財街7號力生大廈地下4-5號舖，木玥招牌紅燒牛肉麵、味噌廣島蠔帶子泡飯、蟹肉明太子炒新竹米粉
Pillowtalk Restaurant & Bar – 屯門青棉徑5號金寶大廈地下6號舖，頂級安格斯肉眼配薯角、美式BBQ豬仔骨配薯條、避風塘軟殼蟹意粉
有關放風箏法例，按此
_______________
撰文：雪梨媽 （Facebook : 雪梨家族吃喝玩樂Fun ）
想知更多好去處，請按【親子好去處】