廣州親子遊｜小朋友考完試，點樣「慰勞」佢哋呢？近近地北方廣州親子遊啦！不過天氣咁熱，喺室內大人同小朋友分分鐘熱到溶，不如參考一下 樂。悠。媽咪 嘅分享，去廣州熱雪奇蹟滑雪場玩吓雪啦！
全球第二大「熱雪奇蹟滑雪場」
廣州融創樂園有齊融創體育世界、水世界及熱雪奇蹟，今次要介紹嘅就係全球第二大的「熱雪奇蹟滑雪場」！「熱雪奇蹟滑雪場」佔地面積達7.5萬平方米，分成2大主要區域，包括滑雪區及娛雪區，場內設有不同難度的滑雪道及冰上活動， 樂。悠。媽咪 今次主要係娛雪，不過佢就溫馨提示，如果想滑雪可搵定教練！因為「個滑雪道真係唔係講玩，唔識真係跌到pat pat開花，下次等小朋友再大啲先再來挑戰滑雪好了！」
如果小朋友年紀比較細，或者未有搵到教練的話，「兩小時娛雪區」就啱晒啦！呢個區分為6區，包括冰凍星球、飛躍冰川、雪上飛碟、冰上碰碰車、冰上自行車、探驗步道等。最特別嘅係場入面嘅雪係真係可以堆起砌雪人，仿真度高！
樂。悠。媽咪一家人星期六去、但都唔算多人，樣樣都唔需要排隊，可以玩足好多次，另外場內零下6度真係好凍，玩到一半都要走出去過下熱河先，雖然門票已包齊雪褸褲鞋，但都建議帶多件衫俾小朋友打底，仲有記得記得必須帶定手襪同埋厚襪，不然真係凍到腳趾都薑埋！用餐方面，山頂有KFC，如果凍得滯亦可入內暖下先㗎，兩小時夠唔夠玩雪？夠哂啦！再留耐啲變雪條！
地址：廣東省廣州市花都區鳳凰北路78號融創文旅城
（2小時娛雪門票 HK$217起）
圖文授權：樂。悠。媽咪