山旯旮親子遊｜之前分享過到訪吉澳隱世小漁村食茶果，提起吉澳，又點可以唔講下佢嘅朋友荔枝窩呢！除咗吉澳之外，荔枝窩一個值得去探索下嘅神秘小村落，它係位於沙頭角嘅一處原居民村落，已經有300多年嘅歷史。雪梨媽今次決定同雪梨B探究下呢個歷史悠久的小村莊，感受下田園同鄉村嘅氣息。
擁有300多年歷史嘅荔枝窩村原先係一個富裕的嘅村落，曾有過千名居民喺嗰度居住，現時成為香港聯合國教科文組織世界地質公園的一部分，亦係遠足和生態遊的熱門勝地。
雪梨媽同雪梨B嘅第一站就去由修復村屋改建成嘅荔枝窩文化館，館內展出咗岩石標本、耕種工具以及客家傳統服飾，以慶春約七村村民的口述歷史及慷慨捐贈的文物為基礎，通過慶春約生活文化、傳統醫術及草藥、傳統婚嫁和客家歌唱等四個主題，帶領遊客體會慶春約的傳統客家文化，以及昔日村民簡樸多采的生活，有助了解當地的歷史與生態環境。
荔枝窩村係一條客家農村，村嘅外圍有一片風水林，林中同村內有唔少百年古樹，包括樹身有逾十個空心洞、被譽為「空心樹王」的秋楓樹及「絞殺榕」，雪梨媽同雪梨B都忍唔住要同古樹打卡📸，沾沾百年樹木嘅靈氣。
荔枝窩擁有香港面積最大、生物多樣性最豐富的原生態淡水濕地區，可以找到香港所記錄的全部八種真紅樹包括銀葉樹以及係多樣海洋動物，例如係招潮蟹🦀。
在紅樹林附近，會看到像巨蟒般匍匐嘅白花魚藤🌿，造就咗一條白花魚藤木步道，亦成為咗專屬於荔枝窩嘅打卡熱點🔥！
白花魚藤，它們會攀援高樹成長並形成像拱門一樣的奇觀，如藤蔓生長的白花魚藤直徑約30釐米，經歷百多年的生長時間才長成現狀。荔枝窩是112 種淡水生物的家園，亦是許多鳥類、蝴蝶、蜻蜓和爬行動物的重要生態棲息地，包括瀕臨絕種的黃胸鵐和稀有的燕鳳蝶。
荔枝窩係一條富有歷史文化色彩嘅小村落🏡，是香港最古老、規模最大、保存最完好的農村聚居地之一，它仿如就係在喧鬧嘅城市之中，能感受悠閒清靜的氣息嘅人間淨土😌。
荔枝窩資訊懶人包
難度：2星
適合年齡：任何年齡 (*10歲以下的小朋友要多加注意)
附近景點：鴨洲、東平洲、印洲塘、香港聯合國教科文組織世界地質公園
交通：
可以乘坐地鐵到大學站B出口搭乘272K號巴士，於首站馬料水公眾碼頭下車，步行約100公尺至馬料水三號梯台，搭乘渡輪前往荔枝窩。注意從馬料水到荔枝窩的船期只在周末及公眾假期才營運，航程約1.5小時。
而從荔枝窩離開，則搭乘渡輪返回馬料水，航班於下午3:30開出。
附近美食：
二伯士多 (粉嶺荔枝窩自然步道) – 豆腐花，餐蛋麵，菜脯煎蛋飯，客家咸雞飯
陳漢記 (大埔運頭街91B地下) – 及第粥，牛肉腸，滑雞白膳煲仔飯，齋腸粉
慧食堂 (大埔運頭角里11號舊大埔警署) – 自製鹽滷豆腐，海帶蒸豆腐、藜麥黃金餅 、紅菜頭漢堡扒
明記雞粥 (船灣荔枝窩自然步道) – 客家釀豆腐，黃酒雞，叉燒炒米，雞粥