周末和小朋友去邊好？天氣涼涼地，不如考慮一下去農莊啦！早前Blogger「幸福親子亭」一家人去了位於上水古洞的富琴火龍果有機農莊，農莊除了有火龍果外，更可以親手整茶粿、食豆腐花、飲香水檸檬茶和睇羊咩咩！
富琴火龍果有機農莊，創園至今超過數十年，佔地逾 50 萬平方呎，農莊飼養了不少小動物，包括羊咩咩。另外農莊間中有舉辦不同的工作坊，最近就是製作客家茶粿工作坊，大人及小朋友均可以報名參加，學習傳統的客家文化。整完茶粿後，也歡迎入場人士在現場購買有機飼料，親自餵飼羊咩咩，讓小朋友學習與動物相處。
媽媽表示，整茶粿約30分鐘，餡料是花生及紅豆，整完之後還要蒸茶粿，蒸的時間約15分鐘，在其餘等待的時間可以先吃一碗滑滑的豆腐花。然後品嚐一下香水檸檬整的檸檬茶。
今次是他們一家第一次飲用香水檸檬整的檸檬茶，驚嘆原來同平時茶餐廳飲開的檸檬茶真係有分別，有獨特的香味和味道。除了香水檸檬園外，怎能不參觀他們的火龍果園，不過當日的火龍果數量就不算很多！
食飽飽就可以去同探吓小動物啦！有部分羊媽媽和羊咩咩BB隨意四圍走，小朋友對羊咩咩都很感興趣，爭住要同佢哋影相！另外，農莊內還有一隻懶洋洋的小貓咪。
不過，因為因為農莊沒有小朋友遊樂設施，連同整茶粿，全程大概2小時都好足夠。
行完農莊之後，媽媽再帶小朋友去附近的保榮路體育館兒童遊戲室再放電，呢間遊戲室每節有30分鐘。輕輕鬆鬆玩了一整天。
富琴火龍果有機農莊
地址：上水青山公路洲頭鴻圖路鐵坑
圖文授權：幸福親子亭