螢火蟲季節到了～每年五月和六月是本港觀賞螢火蟲的高峰期，因為有13個品種的螢火蟲成蟲活躍，至炎熱的七月和八月，只會下降得只有7個品種活躍；Blogger Librarian媽媽的育兒新手村 就分享了她們一家帶仔仔「強哥」到大埔滘夜觀螢火蟲的體驗：
睇螢火蟲都好講彩數，而這晚真係超好彩，收穫超超超級豐富，我哋睇到！
趴係度嘅螢火蟲（超過20隻）、飛嘅螢火蟲（2隻）、草蜢、毛毛蟲、蟬、蜘蛛、甲蟲、蝦、會發光嘅蟹、會發光嘅蟲蛋etc….
強哥初初都好怕黑要拖實，但佢好快都放開咗，之後掉返轉係我驚過佢！
我怕佢興奮得濟會叉錯腳跌落水想捉實佢，佢就係咁fing開我隻手，仲要不停講嘢，超興奮的說！
呢度交通都算方便、搭巴士直接到山腳，一條大斜路直上直落唔駛擔心盪失路！
加上都真係幾熱鬧，好多人做伴，一d都唔需要擔心
我地無參加任何旅行團，就咁由公公做領隊
強哥都全程自己行，上落加埋都有2個鐘：
一來要慢慢行細心觀察啦
二來我地行行停停，夜行真係要耐性先搵到d小動物
所以其實一d都唔辛苦，而且你行到邊隨時回頭就可以回程～
夜觀螢火蟲資訊欄
- 地點：大埔滘自然教育徑
- 交通：巴士72、72A、73A、74A、小巴 28A（全部都在松仔園站落車）
夜觀螢火蟲備忘錄
- 螢火蟲鍾意乾淨的水源，沿住水聲搵會易見到
- 如果早幾日落過雨、會增加見到螢火蟲嘅機率
- 螢火蟲鍾意黑的環境，帶去的白光電筒最好用紅色玻璃紙包住，或者直接帶夜行用紫外光電筒
- 而最好梗係熄哂所有電筒慢慢行，咁樣你瞳孔會更快適應黑暗環境，更加容易發現螢火蟲
- 螢火蟲一見光就會熄燈，所以一發現佢就要熄電筒同保持安靜、慢慢觀察
以上行程內容由Librarian媽媽的育兒新手村規劃及提供。