最近天氣溫暖乾燥，適合煲什麼湯呢？Blogger Kinsey媽媽就推介了一款印度椰子合掌瓜石斛草瘦肉湯水，既可以清肝益胃，而且可以清熱滋陰又潤肺。只需要到藥材店買一份石斛草湯包，再到街市買印度椰子及合掌瓜就可以煲靚湯啦！
合掌瓜湯水食譜
材料：
印度椰子一個
合掌瓜兩個
石斛草半両
天冬半両
白芍半両
沙參半両
玉竹半両
杞子半両
淮山半両
蜜棗兩粒
瘦肉約$50
做法：
小貼士：
以煲湯計，合掌瓜連皮一齊煲係比較有益啲，不過因為家人都喜歡吃湯渣，所以就去皮先煲，食嘅時候就可以方便啲！
Blogger Kinsey媽媽表示第一次煲石斛草其實都有丁點擔心唔知係咩味，不過好在煲好啖湯都係清甜嘅，而且又有印度椰子嘅淡淡椰香味，所以大家都話好飲！
以下係各食材嘅功效，可以參考一下呀(網上資料)：
印度椰子 – 有助清燥熱、止咳功效、滋陰補腎、潤肺養顏的功效。
合掌瓜 – 能疏肝止咳，祛風解熱，健脾開胃。
石斛草 – 滋陰清熱、益胃生津。
天冬 -養陰潤燥，清肺降火，滋補肺腎，清熱除煩。
白芍 – 養血調經，平肝止痛，斂陰止汗。
沙參 – 養陰清肺，益胃生津。玉竹 -養陰潤肺治燥咳，改善乾燥痕癢、補而不膩，不寒不燥，有助滋養脾胃五臟及氣血。
淮山 – 養陰、補脾、肺虛喘咳。
杞子 – 具有補肝腎、益精氣、長肌肉、改善面色、明目安神、祛風治虛、延年益壽、堅筋骨之功效。
蜜棗 – 補益脾胃、潤肺除痰、滋養陰血、養心安神
溫馨提示：
– 於個別人仕體質不同，所以大家記得煲之前了解下自己，如有疑問，請先向註冊中醫查詢！
圖文授權：Kinseymama’s LIFE
