小朋友做功課時，家長總會嫌孩子做得不夠好、字寫得不夠正，而一味要孩子把功課擦掉重做！採用這種圈出錯處的親子教育方法，否定小朋友付出的努力及能力，只會令他們變得無自信。家長應抱著正面態度去欣賞小朋友做得好的地方，勿經常挑剔多讚賞，能增強小孩自信心，主動去做得更好！
一齊睇睇慈慧幼苗合作伙伴 資深註冊社工吳彩輝姑娘(Rainbow)提供的分享！
做功課｜唔好擦晒我啲字啦（圈出錯處Vs尋找美善）
星期天，我閑賦在家，突然收到朋友來電，要向我說一件開心事，我當然洗耳恭聽。
朋友：「上次同你講囡囡寫字好核突，次次我要擦晒佢啲字，叫佢再寫過先交畀老師，但佢每次都好唔情願去寫，仲扭晒計咁，嚴重影響我同佢之間嘅關係。」
我：「梗係記得喇！你嗰次仲話囡囡變本加厲，啲字愈寫愈醜樣添，攪到你都唔知點算好，打電話向我求救。」
朋友：「係呀，後來經你提醒同反省後，我用咗正面嘅方法去鼓勵囡囡，圈咗佢寫得好嘅字，讚賞佢寫啲字好似老師寫嘅咁靚。之後佢就愈寫愈靚，最初差不多個個字都要重寫，依家只有一、兩個，真係好大進步，令我好開心，解決咗呢個日日都要面對嘅難題。而家同阿囡做功課變得輕鬆好多，好多謝你提點我呀！」
我：「大家咁熟，唔駛客氣喇！其實父母抱著正面嘅態度同方法去欣賞小朋友做得好嘅地方，不但有效改善佢哋嘅不當行為，更可以促進親子關係添！我哋咁耐無見，下次帶埋囡囡一齊出嚟食嘢啦！」
解說
現今的社會，父母大多採用圈出錯處的方法來糾正小朋友的欠佳的行為表現，以寫字為例，父母會覺得子女寫字很「醜樣」，圈出「醜樣」的字，甚至強迫小朋友重寫，否定小朋友付出的努力及能力，令他們變得愈來愈無動力、無自信，好氣餒，以致愈寫愈差，甚至討厭寫字、逃避寫字⋯⋯
其實，如文中的朋友一樣，當父母採用正面的態度和方法，去讚賞和欣賞小朋友做得好的地方，這樣不但可以增加他們的自信心，令他們覺得自己有能力完成，從而糾正不當行為的出現，而且同時避免破壞親子關係，一舉多得。所以，父母宜多發掘小朋友做得好的地方，勿經常挑剔！
以上資料由慈慧幼苗合作伙伴 資深註冊社工吳彩輝姑娘(Rainbow)提供